Spá um snjóflóðahættu - Tröllaskagi utanverður 
-
lau. 20. apr.
Mikil hætta -
sun. 21. apr.
Töluverð hætta -
mán. 22. apr.
Töluverð hætta
Viðvarandi veikt lag er enn til staðar og hætt við stórum snjóflóðum í hlýindum á laugardag. Lagskiptir vindflekar eru í flestum viðhorfum mest eftir NA áttir.
Snjóflóðavandi á svæðinu
-
Tegund
-
HæðÖll hæðin
-
Viðhorf
-
Líkur
-
Stærð
Áköf hlýindi á laugardag gætu náð niður á veik lög í snjóþekju.
-
Tegund
-
HæðOfan 400 m.
-
Viðhorf
-
Líkur
-
Stærð
Veikleiki enn til staðar milli vindfleka og eldra hjarns.
Lagskipting snævar og snjóþekjan
Ríkjandi NA-lægar áttir og snjókoma hafa byggt upp lagskipta vindfleka síðan fyrir páska sem valdið hafa stórum snjóflóðum. Nýir vindflekar mynduðust síðan í A-NA átt fyrir helgi og í NV-átt á mánudag. Gryfjur frá svæðinu sýna veikleika á lagmótum við eldra hjarn sem og á milli vindfleka með kantkristöllum. Snjógryfja í NNA-vísandi hlíð frá Ólafsfirði 16.4. sýndi veikt lag undir íslagi efst í gamla hjarninu sem gaf slétt, skyndilegt brot við miðlungs álag og breiddist auðveldlega út. Veikleikinn getur nú legið djúpt eftir mikla snjósöfnun undanfarnar vikur og áköf hlýindi á laugardag gætu náð niður á veikleikann og komið af stað stórum flóðum.
Nýleg snjóflóð
Nokkur ný flekahlaup fyrir helgina í A-NA snjókomu og skafrenningi og stórt flekahlaup í NV-áttinni á mánudag innst í Fljótum. Mörg flekahlaup hafa fallið í endurteknum N-lægum áhlaupum með snjókomu og skafrenningi síðan tók að snjóa ofaná hjarn helgina fyrir páska. Þó nokkur þeirra brustu undan skíða- og vélsleðamönnum og mjög stór náttúruleg flóð einnig.
Veður og veðurspá
Áköf hlýindi einkenna laugardag ásamt lítilsháttar rigningu í S áttum, hvessir með kvöldinu. SV úrkomuskot gengur yfir aðfaranótt sunnudags með snjókomu til fjalla. Styttir upp og lægir eftir helgi með frosti til fjalla.
