Viðvörun - stormur eða rok í dag
Hvasst á landinu í dag og á Vestfjörðum einnig á morgun
Búist er við stormi eða roki (meðalvindur 20-28 m/s) á landinu í dag og á Vestfjörðum á morgun.
Veðurspáin fyrir næstu 36 klukkustundir er svohljóðandi:
Í dag (miðvikudag) má búast við austan 20-28 m/s með snjókomu sunnan- og vestanlands, en síðar slyddu eða rigningu við ströndina, 18-28 síðdegis, hvassast við suðurströndina. Hægari og úrkomulítið á Norður- og Austurlandi í fyrstu, en síðan 18-23 þar og snjókoma eða skafrenningur. Dregur verulega úr vindi og úrkomu í kvöld og nótt, en áfram stormur eða rok á Vestfjörðum. Norðan 20-28 m/s og snjókoma eða éljagangur á vestast á landinu á morgun, hvassast á Vestfjörðum, en mun hægari suðlæg eða breytileg átt og dálítil él eystra. Heldur hlýnandi veður í bili, en kólnar aftur á morgun. Norðvestan hvassviðri eða stormur víða um land annað kvöld.
Athugasemdir veðurfræðings:
Litlu má muna að að norðanstrengurinn nái meira inn á land á morgun, fimmtudag, með enn meiri vindi og geta spár, og þar af leiðandi veður, breyst með stuttum fyrirvara.
Vakthafandi veðurfræðingar
Óli Þór Árnason og Haraldur Eiríksson
