Fréttir
Fjórða samantektarskýrsla vísindanefndar kynnt á morgun
Fjórða samantektarskýrsla vísindanefndar um loftslagsbreytingar verður gefin út og kynnt miðvikudaginn 18. október í Grósku, Reykjavík. Kynningunni verður streymt beint og hefst hún kl. 8.30 og stendur til kl. 10.00.
Dagskrá:
- Guðlaugur Þór Þórðarson, umhverfis-, orku- og loftslagsráðherra ávarpar fundinn.
- Halldór Björnsson, formaður vísindanefndar um loftslagsbreytingar, kynnir helstu niðurstöður nefndarinnar.
- Pallborðsumræður um eftirfarandi málefni í samhengi skýrslunnar:
- Samfélag, menning, félagslegir innviðir, lýðheilsa og heilbrigðiskerfi, atvinnuvegir og byggðir innviðir.
- Náttúrufar, lífríki á landi og ástand sjávar.
- Áhætta og áhættustýring, náttúruvá og aðlögun að loftslagsbreytingum
- Í pallborði sitja meðlimir vísindanefndar, umhverfis-, orku- og loftslagsráðherra ásamt fulltrúum hagaðila, þeim Ölmu Möller, Landlækni, Elvu Rakel Jónsdóttur, framkvæmdastjóra Festu og Ólafi Árnasyni, forstjóra Skipulagsstofnunar.
- Þórunn Wolfram Pétursdóttir, framkvæmdastjóri Loftslagsráðs, stýrir pallborði.
